«Челси» ярим ҳимоячиси Мойсес Кайседо қачондан бошлаб ўзини Лондон клуби етакчиларидан бири бўла олишини англагани ҳақидаги саволга жавоб берди.

«Ростини айтсам, иккинчи мавсумда. Мавсум бошида ўзимга шундай дедим: бу менинг мавсумим бўлади, чунки ўтган мавсумда жуда кўп нарсани ўргандим. Шундай экан, энди одамларга аслида ким эканлигимни кўрсатишга тайёрман. Мен буни ҳар бир ўйинда намойиш этишга ҳаракат қилдим ва одамлар мен ҳақимда гапира бошлашди», — дея Кайседонинг сўзларини келтирмоқда «Челси» расмий сайти.

Мойсес Кайседо 2023 йилда «Брайтон»дан 116 миллион евро эвазига «Челси»га ўтган эди. Унинг «кўклар» билан шартномаси 2031 йилнинг 30 июнига қадар мўлжалланган. Жорий мавсумда ярим ҳимоячи Лондон клуби сафида барча турнирларда 41 та ўйинда майдонга тушиб, 5 та гол урди ва битта голли узатмани амалга оширди.