Londonda super og‘ir vazn toifasida sobiq jahon chempioni, britaniyalik Tayson Fyuri hamda WBA Inter-Continental kamari sohibi, rossiyalik Arslanbek Mahmudov o‘rtasidagi boks jangi yakunlandi.

Jang to‘liq 12 raund davom etdi va Fyurining hakamlar tomonidan bir ovozdan berilgan qarori bilan yakunlandi: 120-108, 120-108, 119-109.

Mahmudov professional boksdagi debyutini 2017 yilda o‘tkazgan bo‘lib, janglarining aksariyat qismini Kanadada o‘tkazgan. U o‘zining bundan oldingi oktyabr oyidagi jangida britaniyalik Devid Allenni ochkolar hisobiga mag‘lub etgan edi.

Tayson Fyurining ko‘rsatkichlari esa quyidagicha: 35 ta g‘alaba (shundan 24 tasi nokaut bilan), 2 ta mag‘lubiyat va 1 ta durang.