«Liverpul»ning yangi a’zosi Rio Ngumoxa o‘tgan dam olish kunlari «Enfild»da gol urishga muvaffaq bo‘ldi va uning jamoasi «Fulxem» ustidan 2:0 hisobida g‘alaba qozondi. Ma’lum bo‘lishicha, bu futbolchining joriy mavsumdagi ikkinchi goli bo‘ldi va u ushbu natija orqali mashhur Rahim Sterlingning rekordini yangiladi.
Ngumoxa «Enfild»da APL o‘yinida gol urgan «Liverpul» tarixidagi eng yosh futbolchiga aylandi. 2012 yilning oktyabr oyida Sterling «Reding» darvozasiga 17 yosh-u 317 kunligida gol urgan edi. Ngumoxa esa bu natijani 17 yosh-u 225 kunligida qayd etdi, ya’ni u Sterlingdan uch oyga yoshroqdir.
Ayni damda «Liverpul» Angliya Premyer-ligasi turnir jadvalida beshinchi o‘rinni egallab turibdi.
