«Ливерпуль»нинг янги аъзоси Рио Нгумоха ўтган дам олиш кунлари «Энфилд»да гол уришга муваффақ бўлди ва унинг жамоаси «Фулхэм» устидан 2:0 ҳисобида ғалаба қозонди. Маълум бўлишича, бу футболчининг жорий мавсумдаги иккинчи голи бўлди ва у ушбу натижа орқали машҳур Раҳим Стерлингнинг рекордини янгилади.
Нгумоха «Энфилд»да АПЛ ўйинида гол урган «Ливерпуль» тарихидаги энг ёш футболчига айланди. 2012 йилнинг октябрь ойида Стерлинг «Рединг» дарвозасига 17 ёш-у 317 кунлигида гол урган эди. Нгумоха эса бу натижани 17 ёш-у 225 кунлигида қайд этди, яъни у Стерлингдан уч ойга ёшроқдир.
Айни дамда «Ливерпуль» Англия Премьер-лигаси турнир жадвалида бешинчи ўринни эгаллаб турибди.
