Italiyaning «Udineze» klubi sobiq a’zosi Florian Toven hozirda «PSJ»ning chempionlik yo‘lidagi asosiy raqobatchisi bo‘lgan «Lans» jamoasining yetakchisiga aylangan. Uning hisobida allaqachon 9 ta gol va 5 ta golli uzatma mavjud. Shuningdek, u kamida uch marta oyning eng yaxshi futbolchisi (MVP) mukofotini qo‘lga kiritdi.

Fransiya chempionati tarixida hali biror futbolchiga bir mavsum davomida uchtadan ko‘p bunday sovrinni qo‘lga kiritish nasib etmagan. Floriandan tashqari, bir yilda uch bora oy laureati bo‘lish Zlatan Ibrahimovich, Frank Riberi va Xavyer Pastorega nasib qilgan edi.

Tovenda esa qolgan ikki oy davomida ularning barchasidan o‘zib ketish va yangi rekord o‘rnatish imkoniyati mavjud.