Италиянинг «Удинезе» клуби собиқ аъзоси Флориан Товен ҳозирда «ПСЖ»нинг чемпионлик йўлидаги асосий рақобатчиси бўлган «Ланс» жамоасининг етакчисига айланган. Унинг ҳисобида аллақачон 9 та гол ва 5 та голли узатма мавжуд. Шунингдек, у камида уч марта ойнинг энг яхши футболчиси (MVP) мукофотини қўлга киритди.
Франция чемпионати тарихида ҳали бирор футболчига бир мавсум давомида учтадан кўп бундай совринни қўлга киритиш насиб этмаган. Флориандан ташқари, бир йилда уч бора ой лауреати бўлиш Златан Ибраҳимович, Франк Рибери ва Хавьер Пасторега насиб қилган эди.
Товенда эса қолган икки ой давомида уларнинг барчасидан ўзиб кетиш ва янги рекорд ўрнатиш имконияти мавжуд.
