«Manchester Siti»ning hujumkor yarim himoyachisi Rayan Sherki yakshanba kuni «Chelsi»ga qarshi kechgan bahsning (3:0) asosiy qahramonlaridan biriga aylandi. Ushbu o‘yinda fransuz futbolchisi ikkita golli uzatmani amalga oshirdi.
51-daqiqada u Niko O’Rayliga gol urishda ko‘maklashgan bo‘lsa, 57-daqiqada uning pasidan so‘ng Mark Gexi raqib darvozasini ishg‘ol qildi. Opta ma’lumotlariga ko‘ra, bu Sherki uchun joriy mavsumdagi barcha turnirlar doirasida ikki va undan ortiq assist qayd etgan to‘rtinchi o‘yin bo‘ldi — bu Premyer-liga vakillari orasidagi eng yaxshi natijadir. «Shaharliklar»ning 22 yoshli a’zosi bu ko‘rsatkich bo‘yicha «Manchester Yunayted» sardori Brunu Fernandeshdan (uchta o‘yin) o‘zib ketdi.
Umumiy hisobda, Rayan Sherki joriy mavsumdagi 43 ta uchrashuvda 13 ta golli uzatmani amalga oshirdi va 9 bor raqiblar darvozasini ishg‘ol qildi.
