Insayder Fabrisio Romano Londonning «Arsenal» klubida Mikel Artetaning hozigi mavqei qanday ekanligi haqidagi ma’lumotlar bilan bo‘lishdi.
Tarqalgan mish-mishlarga ko‘ra, agar jamoa mavsum yakunini muvaffaqiyatsiz tugatib, sovrinsiz qolsa, ispaniyalik murabbiy ishini yo‘qotishi mumkin edi. Biroq Romano bu gap-so‘zlarni tasdiqlamadi: uning ma’lumotlariga ko‘ra, «kanonirlar» rahbariyati o‘yindagi pasayishga qaramay, Artetaga to‘liq ishonch bildirmoqda. Bundan tashqari, klub yanvar oyidan beri murabbiyning vakili bilan shartnomani uzaytirish bo‘yicha muzokaralar olib bormoqda, mavsum yakunlangach esa mutaxassisning o‘zi bilan to‘g‘ridan-to‘g‘ri uchrashuv o‘tkaziladi.
Mikel Arteta 2019 yil dekabridan buyon «Arsenal»ni boshqarib kelmoqda, uning amaldagi kelishuvi 2027 yilning o‘rtalariga qadar mo‘ljallangan.
