Braziliya terma jamoasi JCH-2026 arafasida Neymarning holatini kuzatishda davom etmoqda.
Yulduz hujumchining mundialga taklif etilish masalasi hamon ochiq qolmoqda. Topskills Sports UK ma’lumotlariga ko‘ra, «pentakampeonlar» ustozi Karlo Anchelotti «Santos»ning bo‘lajak o‘yinlaridan biriga tashrif buyurishni rejalashtirgan — italiyalik mutaxassis 34 yoshli futbolchining jismoniy holatini shaxsan baholamoqchi.
Braziliya terma jamoasining JCH-2026 guruh bosqichidagi raqiblari Marokash, Shotlandiya va Gaiti jamoalari bo‘ladi. Uchrashuvlar shu yilning iyun oyida bo‘lib o‘tadi.
Ma’lumot uchun, Neymar milliy terma jamoadagi so‘nggi o‘yinini 2023 yilning oktyabr oyida o‘tkazgan edi.













