Бразилия терма жамоаси ЖЧ-2026 арафасида Неймарнинг ҳолатини кузатишда давом этмоқда.
Юлдуз ҳужумчининг мундиалга таклиф этилиш масаласи ҳамон очиқ қолмоқда. Topskills Sports UK маълумотларига кўра, «пентакампеонлар» устози Карло Анчелотти «Сантос»нинг бўлажак ўйинларидан бирига ташриф буюришни режалаштирган — италиялик мутахассис 34 ёшли футболчининг жисмоний ҳолатини шахсан баҳоламоқчи.
Бразилия терма жамоасининг ЖЧ-2026 гуруҳ босқичидаги рақиблари Марокаш, Шотландия ва Гаити жамоалари бўлади. Учрашувлар шу йилнинг июнь ойида бўлиб ўтади.
Маълумот учун, Неймар миллий терма жамоадаги сўнгги ўйинини 2023 йилнинг октябрь ойида ўтказган эди.
