«Bavariya» darvozaboni Manuel Noyer Germaniya terma jamoasidagi faoliyatini bosh murabbiy Yulian Nagelsmann bilan yuzaga kelgan ziddiyat sababli yakunlagani haqidagi xabarlarni inkor etdi.
«Bu mutlaqo haqiqatga to‘g‘ri kelmaydi. U mening murabbiyim bo‘lgan vaqtda («Bavariya»da) gaplashganmiz. Shuningdek, Yevroda ham uning qo‘l ostida o‘ynadim. Oramizda hech qanday nizo yo‘q. Munosabatlarimiz yaxshi. Boshqalar nima deyishi na meni, na uni qiziqtiradi. Shu sababli bunga xotirjam munosabatdamiz.
Men Jahon chempionatida o‘ynamayman va tayyorgarlik jarayonida ham ishtirok etmayapman. Bor e’tiborimni «Bavariya»ga qaratganman va buni qayta-qayta ta’kidlayman. Ushbu jamoaning bir qismi bo‘lish menga zavq bag‘ishlaydi. Oldinda bizni ko‘plab muhim va hal qiluvchi o‘yinlar kutmoqda va men shunchaki jamoa bilan birga ulardan lazzat olishga harakat qilyapman», — dedi Noyer ZDF telekanaliga bergan intervyusida.
