Hujumchi Joshua Zirkzee yozda klubini o‘zgartirishi mumkin. Bu haqda Football Insider nashri xabar bermoqda.
«Qizil iblislar» futbolchiga klubni tark etishga ruxsat berishga tayyor, biroq buning bir sharti bor. Mankunianliklar avval Zirkzeega munosib o‘rinbosar topishni istashmoqda.
Joshua Zirkzee «Manchester Yunayted» safiga «Bolonya»dan kelib qo‘shilgan edi. Ommaviy axborot vositalarining ma’lumotlariga ko‘ra, ayni damda Italiya klublari futbolchiga qiziqish bildirmoqda.













