O‘zbekiston Superligasining 7-turidan o‘rin olgan bahsda «So‘g‘diyona» mehmonda «Qizilqum»ni ishonchli hisobda mag‘lub etdi.
Uchrashuvning birinchi bo‘limidayoq jizzaxliklar o‘yinni o‘z nazoratiga olishdi. 29-daqiqada raqib himoyachilarining xatosidan unumli foydalangan Lyupcho Doriyev hisobni ochdi. Oradan ko‘p o‘tmay, 41-daqiqada Feysal Mulich tezkor qarshi hujumni gol bilan yakunlab, hisobni 0:2 ko‘rinishiga olib keldi.
Ikkinchi bo‘limda ham «So‘g‘diyona» ustunligini davom ettirdi. 60-daqiqada Otabek Jo‘raqo‘ziyev aniq zarba bilan jamoasining uchinchi golini kiritdi. Maydon egalari esa 70-daqiqada Samandar Shukurillayev orqali hisobni qisqartirishga muvaffaq bo‘lishdi, ammo bu kambek uchun yetarli bo‘lmadi.
Shu tariqa, «So‘g‘diyona» ushbu bahsda 3:1 hisobida g‘alaba qozonib, mavsumdagi ilk yutug‘ini qo‘lga kiritdi.
O‘zbekiston Superligasi, 7-tur
13 aprel 2026 yil.
Qizilqum – «So‘g‘diyona» – 1:3
Gollar: Samandar Shukurillayev, 70 (1:3) – Lyupcho Doriyev, 29 (0:1), Feysal Mulich, 41 (0:2), Otabek Jo‘raqo‘ziyev, 60 (0:3).













