Belgiyalik sobiq futbolchi Eden Azar «Oltin to‘p»ning amaldagi sohibi — «PSJ» hujumchisi Usmon Dembelening o‘yinini yuqori baholadi.
«Dembele favqulodda iqtidorga ega, biroq men uning porlashi to‘satdan yuz berdi deb hisoblamayman. Uning salohiyati bir necha yil oldin ham ko‘rinib turgan edi, ammo hozir u yanada o‘sishi mumkinligini isbotladi. O‘ylaymanki, bunda Luis Enrike va «PSJ» murabbiylar shtabining xizmati katta. Sportda bunday ijobiy o‘zgarishlarni tez-tez ko‘rishni istardim», — deya Azarning so‘zlarini keltiradi Fransiyaning L'Equipe nashri.
Eslatib o‘tamiz, Dembele faoliyati davomida Dortmundning «Borussiya» va Kataloniyaning «Barselona» kabi klublarida to‘p surgan.
