Бельгиялик собиқ футболчи Эден Азар «Олтин тўп»нинг амалдаги соҳиби — «ПСЖ» ҳужумчиси Усмон Дембеленинг ўйинини юқори баҳолади.

«Дембеле фавқулодда иқтидорга эга, бироқ мен унинг порлаши тўсатдан юз берди деб ҳисобламайман. Унинг салоҳияти бир неча йил олдин ҳам кўриниб турган эди, аммо ҳозир у янада ўсиши мумкинлигини исботлади. Ўйлайманки, бунда Луис Энрике ва «ПСЖ» мураббийлар штабининг хизмати катта. Спортда бундай ижобий ўзгаришларни тез-тез кўришни истардим», — дея Азарнинг сўзларини келтиради Франциянинг L'Equipe нашри.

Эслатиб ўтамиз, Дембеле фаолияти давомида Дортмунднинг «Боруссия» ва Каталониянинг «Барселона» каби клубларида тўп сурган.