«PSJ» jamoasining o‘ng qanot himoyachisi Ashraf Hakimiy zo‘rlashda ayblanib sud oldida javob berishi haqidagi xabarlarga munosabat bildirdi.
«Men bu ayblovlar yolg‘on ekanligini bilaman, xotirjamman va bor e’tiborimni oldinda turgan ishlarga qaratganman. Bu masalani adolat (sud) va advokatlarim qo‘liga topshiraman», — dedi Hakimiy Le Parisien nashriga bergan intervyusida.
24 fevral kuni ma’lum bo‘lishicha, uch yillik tergov harakatlari yakuniga ko‘ra, tergov sudyasi Hakimining ishini jinoiy ishlar departamenti sudiga o‘tkazish haqida qaror qabul qilgan.
Marokashlik futbolchi 2023 yilning fevral oyida o‘z uyida bir ayolga nisbatan jinsiy zo‘ravonlik ishlatganlikda ayblanmoqda. Tergov versiyasiga ko‘ra, voqea aynan o‘sha vaqtda sodir bo‘lgan.
