«ПСЖ» жамоасининг ўнг қанот ҳимоячиси Ашраф Ҳакимий зўрлашда айбланиб суд олдида жавоб бериши ҳақидаги хабарларга муносабат билдирди.
«Мен бу айбловлар ёлғон эканлигини биламан, хотиржамман ва бор эътиборимни олдинда турган ишларга қаратганман. Бу масалани адолат (суд) ва адвокатларим қўлига топшираман», — деди Ҳакимий Le Parisien нашрига берган интервьюсида.
24 февраль куни маълум бўлишича, уч йиллик тергов ҳаракатлари якунига кўра, тергов судьяси Ҳакимининг ишини жиноий ишлар департаменти судига ўтказиш ҳақида қарор қабул қилган.
Марокашлик футболчи 2023 йилнинг февраль ойида ўз уйида бир аёлга нисбатан жинсий зўравонлик ишлатганликда айбланмоқда. Тергов версиясига кўра, воқеа айнан ўша вақтда содир бўлган.
