«Barselona» bosh murabbiyi Xans-Diter Flik yarim himoyachi Gavining «Atletiko»ga qarshi o‘yinda asosiy tarkibda maydonga tushish imkoniyatlari haqida gapirdi.
«Gavi o‘ynashi mumkin, albatta. U ushbu jamoa va klub uchun borini beradigan futbolchi, maydonda esa hech narsadan qo‘rqmaydi. Mashg‘ulotlardan so‘ng, uni asosiy tarkibga kiritish-kiritmasligimizni ko‘rib chiqamiz», — deya Flikning so‘zlarini jurnalist Fabrisio Romano keltirmoqda.
Gavi tizzasidagi muammolar sababli mavsumning birinchi yarmini o‘tkazib yuborgan edi. Yarim himoyachi mart oyi o‘rtalarida maydonga qaytdi. Umuman olganda, uning hisobida barcha turnirlarda oltita o‘yin va bitta golli uzatma mavjud.
