«Барселона» бош мураббийи Ханс-Дитер Флик ярим ҳимоячи Гавининг «Атлетико»га қарши ўйинда асосий таркибда майдонга тушиш имкониятлари ҳақида гапирди.
«Гави ўйнаши мумкин, албатта. У ушбу жамоа ва клуб учун борини берадиган футболчи, майдонда эса ҳеч нарсадан қўрқмайди. Машғулотлардан сўнг, уни асосий таркибга киритиш-киритмаслигимизни кўриб чиқамиз», — дея Фликнинг сўзларини журналист Фабрицио Романо келтирмоқда.
Гави тиззасидаги муаммолар сабабли мавсумнинг биринчи ярмини ўтказиб юборган эди. Ярим ҳимоячи март ойи ўрталарида майдонга қайтди. Умуман олганда, унинг ҳисобида барча турнирларда олтита ўйин ва битта голли узатма мавжуд.
