Ispaniyaning «Barselona» klubi shu yozda markaziy himoyachi bilan shartnoma imzolashni rejalashtirmoqda. Klub uchun ustuvor variant — «Inter»ning 26 yoshli italiyalik futbolchisi Alessandro Bastoni. Biroq, ushbu kelishuv juda qimmat va murakkab bo‘lishi mumkin.

Shu sababli, «ko‘k-anorranglilar» muqobil variantlarni ko‘rib chiqishni boshladilar. «Barselona» Bastoni o‘rniga «Bolonya»ning 27 yoshli kolumbiyalik himoyachisi Jon Lukumi bilan shartnoma imzolashi mumkin.

Lukumi 2022 yildan beri «Bolonya» sharafini himoya qilib kelmoqda. Ushbu mavsumda himoyachi klub safida 36 ta o‘yinda maydonga tushib, o‘z hisobiga 1 ta gol va 1 ta golli uzatmani yozdirib qo‘ydi.