Испаниянинг «Барселона» клуби шу ёзда марказий ҳимоячи билан шартнома имзолашни режалаштирмоқда. Клуб учун устувор вариант — «Интер»нинг 26 ёшли италиялик футболчиси Алессандро Бастони. Бироқ, ушбу келишув жуда қиммат ва мураккаб бўлиши мумкин.
Шу сабабли, «кўк-анорранглилар» муқобил вариантларни кўриб чиқишни бошладилар. «Барселона» Бастони ўрнига «Болонья»нинг 27 ёшли колумбиялик ҳимоячиси Жон Лукуми билан шартнома имзолаши мумкин.
Лукуми 2022 йилдан бери «Болонья» шарафини ҳимоя қилиб келмоқда. Ушбу мавсумда ҳимоячи клуб сафида 36 та ўйинда майдонга тушиб, ўз ҳисобига 1 та гол ва 1 та голли узатмани ёздириб қўйди.
