«Lion» bosh murabbiyi lavozimida faoliyat yuritayotgan Paulu Fonseka markaziy hujumchi Endrik sha’niga aytgan tanqidlari borasida to‘xtalib o‘tdi.

Yaqinda mutaxassis «Anje»ga qarshi o‘yinda braziliyalik forvardning ko‘rsatgan o‘yinidan qoniqmaganini ma’lum qilgan edi.

«Murabbiy futbolchilarda reaksiya uyg‘otish uchun ma’lum bir strategiya topishi kerak — men aynan shunday yo‘l tutdim. Men bu gaplarni unda reaksiya uyg‘otish uchun aytgandim va buning natijasini ko‘rdim. Biz gaplashib oldik. Endrik — yosh futbolchi, uning xarakteri menga juda yoqadi», — deya murabbiyning so‘zlaridan iqtibos keltiradi Goal nashri.

Endrik «Lion» safida ijara asosida to‘p surmoqda — mavsum yakunlangach, u Madridning «Real» klubiga qaytadi. Fransiya klubi tarkibida 19 yoshli futbolchi 16 ta o‘yinda maydonga tushib, 6 ta gol va 6 ta golli uzatmani amalga oshirdi.