Madridning «Real» klubi va Fransiya terma jamoasi hujumchisi Kilian Mbappe bo‘lajak jahon chempionati va o‘z faoliyati haqidagi fikrlari bilan o‘rtoqlashdi.
«Jahon chempionati — alohida lahza. G‘alabalarga jamoaning qat’iyati, o‘ziga xos mentaliteti va birgalikdagi harakatlari tufayli erishiladi. Bizning ambisiyalarimiz katta, ammo shu bilan birga, futbolda hech narsa kafolatlanmaganini anglagan holda kamtarlikni saqlab qolamiz.
Eng qiyin narsa — shunchaki yuqori darajaga ko‘tarilish emas, balki shu darajada qolish va rivojlanishda davom etishdir. Faoliyat kamdan-kam hollarda biz tasavvur qilgandek rivojlanadi. Biz nazorat qila oladigan va bizga bog‘liq bo‘lmagan omillar mavjud. Bugun men bolaligimda orzu qilgan muhitdaman — bu esa tinimsiz mehnat, intizom va o‘zimga nisbatan yuqori talabchanlik tufayli amalga oshdi», — deya Mbappening so‘zlaridan iqtibos keltiradi Mundo Deportivo.
2026 yilgi jahon chempionatida Fransiya terma jamoasi «I» guruhida Senegal, Iroq va Norvegiya bilan kuch sinashadi.
