«Sanderlend»ning markaziy hujumchisi Brayan Brobbi faoliyatini «Bavariya»da davom ettirishi mumkin. Bu haqda The Independent jurnalisti Migel Delani xabar bermoqda.
Manba bergan ma’lumotlarga ko‘ra, Germaniya grandi 24 yoshli niderlandiyalik futbolchini faol kuzatib bormoqda. Ta’kidlanishicha, «Bavariya» Brobbini Nikolas Djekson o‘rniga Xarri Keynning dublyori (o‘rinbosari) sifatida ko‘rib chiqmoqda.
Joriy mavsumda Brobbi barcha musobaqalarni hisobga olganda 27 ta uchrashuvda maydonga tushib, 7 ta gol urdi. Bundan tashqari, hujumchi hisobida bitta golli uzatma ham mavjud.
Brobbining «Sanderlend» bilan shartnomasi 2029 yilga qadar mo‘ljallangan. Transfermarkt portali ma’lumotlariga ko‘ra, futbolchining bozor qiymati 25 million yevroni tashkil etadi.
