«Сандерленд»нинг марказий ҳужумчиси Брайан Бробби фаолиятини «Бавария»да давом эттириши мумкин. Бу ҳақда The Independent журналисти Мигель Делани хабар бермоқда.
Манба берган маълумотларга кўра, Германия гранди 24 ёшли нидерландиялик футболчини фаол кузатиб бормоқда. Таъкидланишича, «Бавария» Броббини Николас Джексон ўрнига Харри Кейннинг дублёри (ўринбосари) сифатида кўриб чиқмоқда.
Жорий мавсумда Бробби барча мусобақаларни ҳисобга олганда 27 та учрашувда майдонга тушиб, 7 та гол урди. Бундан ташқари, ҳужумчи ҳисобида битта голли узатма ҳам мавжуд.
Броббининг «Сандерленд» билан шартномаси 2029 йилга қадар мўлжалланган. Transfermarkt портали маълумотларига кўра, футболчининг бозор қиймати 25 миллион еврони ташкил этади.
