Myunxenning «Bavariya» klubi «Bayer Leverkuzen»ning 19 yoshli hujumchisi Kristian Kofanega qiziqish bildirmoqda. Bu haqda ESPN nashri taniqli insayder Kristian Falkka tayanib xabar berdi.
Manbaning ta’kidlashicha, «Bavariya» rahbariyati yozda Xarri Keynga munosib o‘rinbosar bo‘la oladigan va u bilan raqobatlashadigan yosh hujumchi sotib olmoqchi. Myunxenliklar hozirda jamoada ijara asosida to‘p tepayotgan Nikolas Jekson bilan hamkorlikni davom ettirmaslikka qaror qilishgan u yozda «Chelsi»ga qaytadi.
Biroq, Kofane uchun kurashda «Bavariya» jiddiy raqobatga duch kelishi mumkin. Xususan, Londonning «Arsenal» klubi ham futbolchi uchun rasmiy taklif tayyorlamoqda. Kristian Falkning so‘zlariga ko‘ra, agar «to‘pchilar» muzokaralarga jiddiy kirishsa, «Bavariya» moliyaviy jihatdan qiynalib qolishi mumkin.
