Seshanba kuni «Liverpul» Chempionlar Ligasi 1/4 finalining javob uchrashuvida «PSJ»ni qabul qiladi va safardagi 0:2 hisobidagi mag‘lubiyatdan so‘ng vaziyatni o‘nglashga harakat qiladi.
Jurnalist Fabris Xokinsning xabar berishicha, hujumchi Muhammad Saloh o‘yinni zaxira o‘rindig‘ida boshlaydi. Asosiy tarkib taxminan bir soatdan keyin e’lon qilinadi. Arne Slot haqiqatan ham misrlik futbolchini startda tushirmaydimi, buni tez orada ko‘rib olamiz.
Ma’lumot uchun, dastlabki uchrashuvda Saloh barcha 90 daqiqani zaxira o‘rindig‘ida o‘tkazgan edi.
2025/2026 yilgi mavsum yakunida Muhammad Saloh «Liverpul»ni tark etishi allaqachon e’lon qilingan. Demak, seshanba kungi bahs Saloh uchun «qizillar» libosidagi Chempionlar Ligasidagi so‘nggi o‘yin bo‘lib qolish xavfi bor.













