Сешанба куни «Ливерпуль» Чемпионлар Лигаси 1/4 финалининг жавоб учрашувида «ПСЖ»ни қабул қилади ва сафардаги 0:2 ҳисобидаги мағлубиятдан сўнг вазиятни ўнглашга ҳаракат қилади.
Журналист Фабрис Хокинснинг хабар беришича, ҳужумчи Муҳаммад Салоҳ ўйинни захира ўриндиғида бошлайди. Асосий таркиб тахминан бир соатдан кейин эълон қилинади. Арне Слот ҳақиқатан ҳам мисрлик футболчини стартда туширмайдими, буни тез орада кўриб оламиз.
Маълумот учун, дастлабки учрашувда Салоҳ барча 90 дақиқани захира ўриндиғида ўтказган эди.
2025/2026 йилги мавсум якунида Муҳаммад Салоҳ «Ливерпуль»ни тарк этиши аллақачон эълон қилинган. Демак, сешанба кунги баҳс Салоҳ учун «қизиллар» либосидаги Чемпионлар Лигасидаги сўнгги ўйин бўлиб қолиш хавфи бор.
