Sesk Fabregas «Manchester Siti»da Xosep Gvardiolaning uzoq muddatli vorisi sifatida ko‘rilmoqda. Bu haqda jurnalist Grem Beyliga tayangan holda The Touchline nashri xabar bermoqda.
Gvardiolaning amaldagi shartnomasi 2027 yilning o‘rtalariga qadar mo‘ljallangan. Shu bilan birga, avvalroq matbuotda Xosep o‘n yillik faoliyatidan so‘ng, shu yozda «Manchester Siti»ni tark etishi mumkinligi haqida xabarlar tarqalgan edi.
Sesk Fabregas «Komo» klubida o‘zini yaxshi tomonlama ko‘rsatmoqda. Hozirda jamoa Italiya A Seriyasi turnir jadvalida beshinchi o‘rinni egallab turibdi.
«Manchester Siti» ayni damda APL jadvalida ikkinchi o‘rinda bormoqda. Gvardiola jamoasi bitta kam o‘yin o‘tkazgan holda, peshqadam «Arsenal»dan olti ochkoga ortda qolmoqda.













