«Liverpul» bosh murabbiyi Arne Slot klubning transfer bozoridagi faoliyati haqida o‘z fikrlari bilan o‘rtoqlashdi.

O‘tgan yozda «qizillar» yangi futbolchilar sotib olish uchun rekord darajadagi mablag‘ sarflashdi, biroq bu na ichki arenada, na Yevropada muvaffaqiyat keltirdi. Seshanba kuni jamoa o‘z maydonida «PSJ»ga 0:2 hisobida imkoniyatni boy berib (ikki o‘yin natijasiga ko‘ra 0:4), Chempionlar ligasi haqidagi orzulari bilan xayrlashdi. Tabiiyki, muvaffaqiyatsizlikdan so‘ng Slot bilan bo‘lgan suhbatda jurnalistlar transfer mavzusini chetlab o‘tishmadi.

«Biz Trentni tekinga boy berdik, tez orada Robertsondan ham ayrilamiz. Klubning modeli shunday: sotib olish uchun avval sotishimiz kerak. Bir qator kuchli futbolchilarni yo‘qotganimizdan so‘ng, bu yozda tarkibni kuchaytira olamizmi yoki yo‘q — buni vaqt ko‘rsatadi», – deya Arne Slotning so‘zlaridan iqtibos keltiradi The Touchline.