«Liverpul» bosh murabbiyi Arne Slot hujumchi Ugo Ekitikening jarohati haqida fikr bildirdi. Fransiyalik futbolchi «PSJ»ga qarshi uchrashuvning birinchi bo‘limidayoq maydonni tark etishga majbur bo‘ldi. Ekitike raqib bilan to‘qnashuvsiz, o‘z-o‘zidan jarohat oldi.
«Ekitikening jarohatimi? Vaziyat yaxshi ko‘rinmayapti. Buning jiddiy ekanligini barchamiz ko‘rdik. Kuzatamiz. U ikkinchi bo‘limdayoq uyiga ketdi, shuning uchun uni hali ko‘rganim yo‘q. Bu mavsumda futbolchilarni yo‘qotish holatiga ko‘p marta duch keldik. Bu juda og‘ir, chunki hech kim jarohat olishni istamaydi, ayniqsa mavsumning bunday pallasida», — dedi Slot Amazon Prime nashriga.
