«Ливерпуль» бош мураббийи Арне Слот ҳужумчи Уго Экитикенинг жароҳати ҳақида фикр билдирди. Франциялик футболчи «ПСЖ»га қарши учрашувнинг биринчи бўлимидаёқ майдонни тарк этишга мажбур бўлди. Экитике рақиб билан тўқнашувсиз, ўз-ўзидан жароҳат олди.
«Экитикенинг жароҳатими? Вазият яхши кўринмаяпти. Бунинг жиддий эканлигини барчамиз кўрдик. Кузатамиз. У иккинчи бўлимдаёқ уйига кетди, шунинг учун уни ҳали кўрганим йўқ. Бу мавсумда футболчиларни йўқотиш ҳолатига кўп марта дуч келдик. Бу жуда оғир, чунки ҳеч ким жароҳат олишни истамайди, айниқса мавсумнинг бундай палласида», — деди Слот Amazon Prime нашрига.
