The Athletic nashri jurnalistlari dunyoning eng kuchli 15 nafar darvozaboni reytingini tuzib chiqishdi. Ta’kidlash joizki, ro‘yxatni shakllantirishda nafaqat joriy forma, balki barqarorlik va faoliyatning davomiyligi ham hisobga olingan. Shu sababli, ayrim porlayotgan yosh iste’dodlar ushbu ro‘yxatga kiritilmadi.
Reytingning birinchi pog‘onasini «Real Madrid» posboni Tibo Kurtua egalladi. Mualliflar aynan uni dunyoning eng yaxshi darvozaboni deb hisoblashmoqda. Ikkinchi o‘rin «Manchester Siti» a’zosi Janluiji Donnarummaga nasib etgan bo‘lsa, kuchli uchlikni «Liverpul» vakili Alisson yakunlab berdi.
Ro‘yxatning davomidan quyidagi darvozabonlar joy oldi: Manuel Noyer, Mayk Menyan, Emiliano Martines, David Rayya, Yan Oblak, Joan Garsiya, Gregor Kobel, Jordan Pikford, Yann Zommer, Unai Simon, Diogu Koshta va Ederson.













