«Bavariya» yarim himoyachisi Leon Goreska faoliyatini Italiyada davom ettirishi mumkin. Corriere dello Sport nashri bergan ma’lumotga ko‘ra, «Milan» germaniyalik futbolchi bilan shartnoma imzolashga qiziqish bildirmoqda.
«Rossonerilar» bir necha hafta oldin futbolchiga yillik maoshi 5 million yevro (bonuslar bilan birga) bo‘lgan uch yillik shartnoma bo‘yicha og‘zaki taklif bilan chiqishgan. Hozirda Milan klubi havbekdan javob kutmoqda.
Leon Goreska 2018 yilda «Shalke»dan «Bavariya»ga erkin agent sifatida o‘tgan edi. Uning amaldagi shartnomasi 2026 yil 30 iyungacha mo‘ljallangan. Joriy mavsumda yarim himoyachi Myunxen klubi safida barcha musobaqalarda 40 ta o‘yinda qatnashib, 3 ta gol urdi va 3 ta golli uzatmani amalga oshirdi.
