«Бавария» ярим ҳимоячиси Леон Горецка фаолиятини Италияда давом эттириши мумкин. Corriere dello Sport нашри берган маълумотга кўра, «Милан» германиялик футболчи билан шартнома имзолашга қизиқиш билдирмоқда.
«Россонерилар» бир неча ҳафта олдин футболчига йиллик маоши 5 миллион евро (бонуслар билан бирга) бўлган уч йиллик шартнома бўйича оғзаки таклиф билан чиқишган. Ҳозирда Милан клуби ҳавбекдан жавоб кутмоқда.
Леон Горецка 2018 йилда «Шальке»дан «Бавария»га эркин агент сифатида ўтган эди. Унинг амалдаги шартномаси 2026 йил 30 июнгача мўлжалланган. Жорий мавсумда ярим ҳимоячи Мюнхен клуби сафида барча мусобақаларда 40 та ўйинда қатнашиб, 3 та гол урди ва 3 та голли узатмани амалга оширди.
