«Manchester Yunayted»ning sobiq futbolchisi Brayan Robson yozgi transfer oynasida «qizil iblislar» tarkibiga qo‘shib olishi kerak bo‘lgan futbolchini ko‘rsatdi.
«Elliot Anderson «Manchester Yunayted»ga transfer qilish uchun mening birinchi tanlovim bo‘lardi», — dedi Robson No Tippy Tappy Football nashriga bergan intervyusida.
Elliot Anderson 2024 yilda «Nyukasl»dan «Nottingem Forest»ga 41 million yevro evaziga o‘tgan edi. Uning shartnomasi 2029 yil 30 iyungacha mo‘ljallangan.
Joriy mavsumda yarim himoyachi «o‘rmonchilar» safida barcha musobaqalarda 42 ta o‘yinda qatnashib, ikkita gol urdi va uchta golli uzatmani amalga oshirdi. Transfermarkt portali Andersonning narxini 60 million yevroga baholamoqda.
