«Манчестер Юнайтед»нинг собиқ футболчиси Брайан Робсон ёзги трансфер ойнасида «қизил иблислар» таркибига қўшиб олиши керак бўлган футболчини кўрсатди.
«Эллиот Андерсон «Манчестер Юнайтед»га трансфер қилиш учун менинг биринчи танловим бўларди», — деди Робсон No Tippy Tappy Football нашрига берган интервьюсида.
Эллиот Андерсон 2024 йилда «Ньюкасл»дан «Ноттингем Форест»га 41 миллион евро эвазига ўтган эди. Унинг шартномаси 2029 йил 30 июнгача мўлжалланган.
Жорий мавсумда ярим ҳимоячи «ўрмончилар» сафида барча мусобақаларда 42 та ўйинда қатнашиб, иккита гол урди ва учта голли узатмани амалга оширди. Transfermarkt портали Андерсоннинг нархини 60 миллион еврога баҳоламоқда.
