«Manchester Yunayted» o‘z maydonida Angliya Premyer-ligasining 32-turi doirasida «Lids»ga 1:2 hisobida imkoniyatni boy berdi. Insayder Fabrisio Romanoning ma’lumotlariga ko‘ra, ushbu mag‘lubiyatga qaramay, «qizil iblislar» rahbariyati jamoa bosh murabbiyi Maykl Kerrikning ishidan hali ham mamnun.
Ingliz mutaxassisi keyingi mavsumda ham «Manchester Yunayted» ustozi lavozimida qolish uchun asosiy favoritlardan biri bo‘lib turibdi. Maykl Kerrik shu yilning yanvar oyida mavsum yakuniga qadar jamoa bosh murabbiyi etib tayinlangan edi.
Hozirgi vaqtda «qizil iblislar» Angliya chempionati turnir jadvalida 32 turdan so‘ng 55 ochko bilan uchinchi o‘rinda borishmoqda. Keyingi o‘yinda «MYU» «Chelsi»ga qarshi maydonga tushadi.
