Myunxenning «Bavariya» klubi sobiq futbolchisi Toni Kroos jamoa darvozaboni Manuel Noyer haqida o‘z fikrlarini bildirdi. 15 aprel kuni 40 yoshli posbon Chempionlar ligasi chorak finalidan o‘rin olgan madridning «Real» klubiga qarshi javob uchrashuvida o‘z darvozasini himoya qiladi.
«Bu men uchun kuzatish qiziq bo‘lgan yagona darvozabon. Uning qilayotgan ishlari shunchaki ajoyib ko‘rinadi. U haligacha o‘zgacha, takrorlanmas uslubga ega. Shuningdek, unda hamon hayratlanarli aura — harakatlarida, nafisligida o‘ziga xoslik bor», — deya Kroosning so‘zlarini keltiradi UYEFA rasmiy sayti.
Noyer 2011 yilda «Shalke 04»dan o‘tganidan beri «Bavariya» sharafini himoya qilib kelmoqda. Shu vaqt ichida u barcha turnirlarda 593 ta o‘yin o‘tkazib (276 tasida darvozasi daxlsizligini saqlagan), 489 ta gol o‘tkazib yubordi va 30 dan ortiq sovrinni qo‘lga kiritdi.
