Madridning «Real» klubi bosh murabbiyi Alvaro Arbeloa jamoa Chempionlar Ligasidan chiqib ketganidan keyin o‘z kelajagi borasidagi savolga javob qaytardi. «Qaymoqranglilar» 1/4 finalda ikki o‘yin natijasiga ko‘ra «Bavariya»ga 4:6 hisobida imkoniyatni boy berishdi.
«Mening kelajagimmi? Hozir bu meni tashvishga solayotgani yo‘q. Men faqat o‘z futbolchilarim haqida o‘ylayapman», — deya javob berdi ispaniyalik mutaxassis.
Alvaro Arbeloa yangi yilning yanvar oyida Xabi Alonsoning o‘rnini egallab, ushbu lavozimga tayinlangan edi. Mish-mishlarga ko‘ra, agar jamoa mavsumni sovrinsiz yakunlaydigan bo‘lsa, yozda «Real»da yana bir bor murabbiy almashinuvi yuz berishi mumkin.
