«Bavariya» hujumkor yarim himoyachisi Jamol Musiala UYEFA Chempionlar Ligasi 1/4 finalidan o‘rin olgan «Real Madrid»ga qarshi bahsda (4:3) maydonga tushib, yangi rekord o‘rnatdi. U 23 yosh 48 kunligida Ko‘hna qit’aning eng nufuzli klublar turnirida 50 ta o‘yin o‘tkazgan tarixdagi eng yosh germaniyalik futbolchiga aylandi. Bu haqda Squawka nashri xabar bermoqda.
Shu tariqa, Musiala myunxenliklarning sobiq afsonasi Tomas Myuller tomonidan 2013 yilning noyabr oyida o‘rnatilgan rekordni yangilashga muvaffaq bo‘ldi.
Musialaning bu yoshida bunday tajribaga ega bo‘lishi uning naqadar yuqori darajadagi iqtidor ekanligini yana bir bor isbotlamoqda.













