Madridning «Real» klubi bosh murabbiyi Alvaro Arbeloa iste’foga chiqarilishi mumkin. Bu haqda The Athletic nashri klub ichidagi anonim manbalarga tayanib xabar bermoqda.
Chempionlar ligasi chorak finali bosqichida jamoa ikki o‘yin natijasiga ko‘ra «Bavariya»ga 4:6 hisobida mag‘lub bo‘lib, turnirni tark etdi.
La ligada ham klub birinchi o‘rindan 9 ochkoga ortda qolmoqda. Shu natijalar fondida rahbariyat murabbiylar shtabida o‘zgarish qilishni ko‘rib chiqishi mumkin.
Biroq ta’kidlanishicha, klub rahbarlari bunday qarorni faqat mavsum yakunlanganidan keyin qabul qilishi mumkin. Hozir yangi murabbiy tayinlash ma’nosi yo‘q deb hisoblanmoqda, shuningdek Arbeloa jamoaga sodiq inson sifatida baholanmoqda. U jamoaning ichki muhitini yaxshilagan va bu may oyigacha professional atmosferani saqlab turishga yordam beradi.
Alvaro Arbeloa «Real»ni 2026 yil yanvar oyidan boshlab boshqarmoqda. Uning klub bilan shartnomasi 2027 yil yozigacha amal qiladi.













