Londonning «Arsenal» klubi darvozaboni David Rayya navbatdagi bor jamoasining Chempionlar ligasidagi darvozasi daxlsizligini saqlab qolishga yordam berdi.
Chorshanba kuni «kanonirlar» o‘z maydonida Lissabonning «Sporting» jamoasi bilan 0:0 hisobida durang o‘ynab, yarim finalga yo‘l oldi. Birinchi uchrashuvda ham londonliklar gol o‘tkazib yubormagan edi — 1:0. Shu tariqa, Rayya hisobidagi ECHL joriy mavsumidagi «quruq» o‘yinlar soni 8 taga yetdi va bu klub rekordining takrorlanishidir. Bungacha yagona rekordchi Yens Lemann hisoblanardi — u 2005/06 yilgi mavsumda 8 ta bahsda darvozasi daxlsizligini saqlagan. Ta’kidlash joizki, o‘shanda, bundan 20 yil avval, «Arsenal» finalgacha yetib borib, «Barselona»ga imkoniyatni boy bergandi (1:2).
Bu safar «to‘pchilar» final yo‘llanmasi uchun Madridning «Atletiko» klubi bilan bahslashadi. Yana bitta «quruq» o‘yin David Rayyani mutlaq rekordchiga aylantiradi.
