Madridning «Real» klubi darvozaboni Andrey Lunin Chempionlar ligasi chorak finalidan o‘rin olgan «Bavariya»ga qarshi javob bahsida jamoadoshlari orasida eng ko‘p uzatma amalga oshirgan futbolchi bo‘ldi.
Myunxendagi uchrashuv «qaymoqranglilar»ning 3:4 hisobidagi mag‘lubiyati bilan yakunlandi. Maydon egalari bahs yakunida ikkita gol urib, qarama-qarshilikda (6:4) g‘alabani ilib ketishdi. E’tiborli jihati shundaki, madridliklar safida uzatmalar soni bo‘yicha darvozabon yetakchiga aylandi — Lunin 33 ta pas bergan. Biroq, ulardan faqat 17 tasi (52% aniqlik) manzilga yetib borgan. «Real»ning maydondagi o‘yinchilari orasida eng ko‘p uzatmani Federiko Valverde amalga oshirdi — 32 ta (25 tasi aniq). «Bavariya»da esa ko‘rsatkichlar mutlaqo boshqacha: Yozua Kimmix hammadan ko‘p — 118 ta uzatma bergan (102 tasi aniq).
Yarim finalda Myunxen grandi to‘p nazoratini xush ko‘radigan boshqa bir jamoa — «PSJ» bilan to‘qnash keladi.
