Мадриднинг «Реал» клуби дарвозабони Андрей Лунин Чемпионлар лигаси чорак финалидан ўрин олган «Бавария»га қарши жавоб баҳсида жамоадошлари орасида энг кўп узатма амалга оширган футболчи бўлди.

Мюнхендаги учрашув «қаймоқранглилар»нинг 3:4 ҳисобидаги мағлубияти билан якунланди. Майдон эгалари баҳс якунида иккита гол уриб, қарама-қаршиликда (6:4) ғалабани илиб кетишди. Эътиборли жиҳати шундаки, мадридликлар сафида узатмалар сони бўйича дарвозабон етакчига айланди — Лунин 33 та пас берган. Бироқ, улардан фақат 17 таси (52% аниқлик) манзилга етиб борган. «Реал»нинг майдондаги ўйинчилари орасида энг кўп узатмани Федерико Вальверде амалга оширди — 32 та (25 таси аниқ). «Бавария»да эса кўрсаткичлар мутлақо бошқача: Йозуа Киммих ҳаммадан кўп — 118 та узатма берган (102 таси аниқ).

Ярим финалда Мюнхен гранди тўп назоратини хуш кўрадиган бошқа бир жамоа — «ПСЖ» билан тўқнаш келади.