«Benfika» markaziy yarim himoyachisi Richard Rios faoliyatini Angliya chempionatida davom ettirishi mumkin.
AS Colombia nashri bergan ma’lumotlarga ko‘ra, 25 yoshli futbolchini o‘z safiga qo‘shib olishga «Manchester Yunayted» qiziqish bildirmoqda. «Qizil iblislar» o‘yinchining transferini yozgi transfer oynasi vaqtida amalga oshirishni rejalashtirmoqda.
Richard Rios 2025 yilda 27 million yevro evaziga «Palmeyras»dan «Benfika»ga o‘tgan edi. Uning klub bilan amaldagi shartnomasi 2030 yilning 30 iyuniga qadar mo‘ljallangan. Joriy mavsumda kolumbiyalik futbolchi Portugaliya klubi safida barcha turnirlarda 41 ta o‘yinda maydonga tushib, 5 ta gol urdi va 5 ta golli uzatmani amalga oshirdi. Transfermarkt portali yarim himoyachining qiymatini 22 million yevroga baholamoqda.
