Massimiliano Allegri «Milan» bosh murabbiyi lavozimini tark etishi mumkin.
Gazzetta dello Sport nashrining xabariga ko‘ra, murabbiy klub rahbariyatidan loyiha borasida yanada aniqlik kiritilishini hamda transfer bozorida ko‘proq vakolat berilishini istamoqda. Agar «rossonerilar» uning talablarini qondira olmasa, Allegri Milan klubidan ketishi mumkin.
Massimiliano Allegri 2025 yilning may oyida ikkinchi bor «Milan» boshqaruviga kelgan edi. Bungacha u 2010 yildan 2014 yilgacha «rossonerilar»ni boshqargan. Ayni damda Milan klubi Italiya chempionati turnir jadvalida 32 turdan so‘ng 63 ochko bilan uchinchi o‘rinni egallab turibdi. Navbatdagi o‘yinda «Milan» «Verona» mehmoni bo‘ladi. Uchrashuv 19 aprel kuni bo‘lib o‘tadi.













