Массимилиано Аллегри «Милан» бош мураббийи лавозимини тарк этиши мумкин.
Gazzetta dello Sport нашрининг хабарига кўра, мураббий клуб раҳбариятидан лойиҳа борасида янада аниқлик киритилишини ҳамда трансфер бозорида кўпроқ ваколат берилишини истамоқда. Агар «россонерилар» унинг талабларини қондира олмаса, Аллегри Милан клубидан кетиши мумкин.
Массимилиано Аллегри 2025 йилнинг май ойида иккинчи бор «Милан» бошқарувига келган эди. Бунгача у 2010 йилдан 2014 йилгача «россонерилар»ни бошқарган. Айни дамда Милан клуби Италия чемпионати турнир жадвалида 32 турдан сўнг 63 очко билан учинчи ўринни эгаллаб турибди. Навбатдаги ўйинда «Милан» «Верона» меҳмони бўлади. Учрашув 19 апрель куни бўлиб ўтади.
