«Liverpul» klubi sobiq yarim himoyachisi Stiven Jerrard Chempionlar ligasi chorak finalidan o‘rin olgan «Bavariya»ga qarshi javob o‘yinida «Real» xavbeki Eduardo Kamavinganing maydondan chetlatilishi haqida fikr bildirdi.

Javob bahsida «Real» «Alyans Arena»da 3:4 hisobida imkoniyatni boy berdi (birinchi o‘yin – 1:2). 85-daqiqada, hisob madridliklar foydasiga 3:2 bo‘lib turgan vaqtda, 62-daqiqada zaxiradan maydonga tushgan Kamavinga raqib yarim maydonida Harri Keynga nisbatan fol ishlatdi va hushtaqdan keyin to‘pni raqibga bermadi. Buning uchun uchrashuv bosh hakami Slavko Vinchich unga ikkinchi sariq kartochkani ko‘rsatdi.

Madridliklar 86-daqiqada bir kishi kam bo‘lib qolishdi.

«Birinchi sariq kartochka — bu yarim himoyachi xavfli qarshi hujumni to‘xtatish uchun ba’zan amalga oshirishi kerak bo‘lgan ish. Agar sen jamoangga yordam beradigan vaziyatda yoki o‘z sog‘lig‘ingga xavf soluvchi holatda ikkinchi sariq kartochkani olsang, buni tushunish mumkin. Ammo mulohazasizlik va aqlsizlik bilan qilingan bu harakat jamoaga qimmatga tushdi va o‘yinning haqiqiy burilish nuqtasiga aylandi», — dedi Jerrard.