Joriy yilda «Manchester Siti» va Xosep Gvardiola o‘rtasidagi hamkorlik boshlanganiga o‘n yil to‘lmoqda. Kataloniyalik mutaxassis 2016 yilning yozida klub boshqaruvini qo‘lga olgan edi.
Ushbu yubileyni nishonlash maqsadida «Manchester Siti» rahbariyati murabbiy sharafiga maxsus kiyimlar to‘plamini chiqarishga qaror qildi. Ushbu to‘plam Gvardiolaning APLdagi eng did bilan kiyinadigan murabbiylardan biri ekanligini yana bir bor eslatib qo‘yishga qaratilgan.
Mutaxassis ayniqsa italiyalik ijodkorlarning ishlarini, xususan, «Stone Island» hamda Massimo Ostining «S.P. Company» brendlarini xush ko‘radi. «Pep Guardiola Decade» deb nomlangan ushbu to‘plam bilan «Manchester Siti»ning rasmiy onlayn-do‘konlarida tanishish va hatto ularni xarid qilish imkoniyati mavjud.
